မြန်မာနိုင်ငံရဲ့ ရှေးခေတ်လက်ရာ အနုပညာတွေ ထွန်းကားတဲ့ မြို့တော်ဟောင်းတွေကို ကမ္ဘာ့ရှေးဟောင်း အမွေအနှစ်လို့ သတ်မှတ်တဲ့ စာရင်းဝင်ဖို့အတွက် စတင်ဆောင်ရွက်နေပါပြီ။ အဲဒီလို ဆောင်ရွက်ရာမှာ ကမ္ဘာ့ရှေးဟောင်းအမွေအနှစ်အဖြစ် သတ်မှတ်ဖို့ ဘယ်လို အချက်တွေ နဲ့ ပြည့်စုံရမှာလဲဆိုတာကို မန္တလေး ရတနာပုံ တက္ကသိုလ်က ရှေးဟောင်းသုတေသန ဌာန ပါမောက္ခ ဒေါက်တာဦး သာထွန်းမောင်ကို ဒေါ်ခင်မျိုးသက်က ဆက်သွယ်မေးမြန်းတင်ပြထားပါတယ်။
ကမ္ဘာ့ရှေးဟောင်းအမွေအနှစ်လို့ သတ်မှတ်သင့်တဲ့ နေရာအဖြစ် စာရင်းဝင်ပြီး ထိမ်းသိမ်းရမယ့်နေ ရာ မြန်မာနိုင်ငံမှာ ရှိနေပါသလား။
ကမ္ဘာပေါ်က ထူးခြားတဲ့ အဆောက်အအုံတွေ၊ ယဉ်ကျေးမှုနဲ့ ရှေးဟောင်းအမွေအနှစ် လက်ရာတွေ အတွက် ကုလသမဂ္ဂက စီစဉ်ပြီး နိုင်ငံ ပေါင်း ၂၁ နိုင်ငံပါဝင်တဲ့ ကော်မတီက World Heritage Site လို့ခေါ်တဲ့ ကမ္ဘာ့အမွေအနှစ်နေရာအဖြစ် သတ်မှတ်ထိန်းသိမ်းပါတယ်။
“World Heritage Committee ဆိုတာရှိပါတယ်။ ကမ္ဘာ့အမွေအနှစ် ထိမ်းသိမ်းရေးကော်မတီပါ။ ၁၉၇၂ ခုနှစ်က UN ကုလသမဂ္ဂ UNESCO ကနေ ဖွဲ့စည်းခဲ့တဲ့ အဖွဲ့အစည်းတခု ဖြစ်ပါတယ်။ ကမ္ဘာ့နိုင်ငံအနှံ့အပြားမှာရှိတဲ့ Cultural heritage နဲ့ Natural heritage ပေါ့လေ၊ ဒီသဘာဝ အမွေအနှစ်နဲ့ ယဉ်ကျေးမှုအမွေအနှစ်တွေကို မပျက်စီးအောင် ထိန်းသိမ်းကာကွယ်ဖို့ ရည်ရွယ်ပြီးတော့ ဖွဲ့စည်းတာဖြစ်ပါတယ်။
ဒီအဖွဲ့အစည်းက ကမ္ဘာမှာ အကာအကွယ်ပေးထားတဲ့၊ တနည်းအားဖြင့် ဒီ World Heritage Committee က သဘာဝအမွေအနှစ်အတွက်ရော ယဉ်ကျေးမှု အမွေအနှစ်အဖြစ် သတ်မှတ်ထားတဲ့ ဆိုက် (Site) က ၂၀၀၆ ခုနှစ်အထိကတော့ တကမ္ဘာလုံးမှာ အခု ၈၀၀ လောက်ရှိတယ်လို့ ပြောပါ တယ်။ မြန်မာနိုင်ငံမှာကတော့ အခုမှစပြီးတော့ ဒီ အဖွဲ့ထဲကို ၀င်ကြမှာပေါ့လေ။ အခုမှစပြီး report လုပ်ထားတာပေါ့”
မန္တလေး ရတနာပုံ တက္ကသိုလ်က ရှေးဟောင်းသုတေသန ဌာန ပါမောက္ခ ဒေါက်တာဦး သာထွန်းမောင်ပါ။
ထိန်းသိမ်းဖို့ သတ်မှတ်ထားတဲ့ ကမ္ဘာ့အမွေအနှစ် နေရာပေါင်းဟာ ကုလသမဂ္ဂက ဦးစီးစောင့်ရှောက် လာခဲ့တာ နှစ်ပေါင်း ၄၀ ရှိလာတဲ့ ၂၀၁၂ ခုနှစ်မှာ နိုင်ငံပေါင်း ၁၅၇ နိုင်ငံမှာ ၉၆၂ ခုရှိပြီဖြစ်ပါတယ်။ အဲဒီ ထဲမှာ ယဉ်ကျေးမှုအမွေအနှစ်က ၇၄၅ ခုရှိပြီး သဘာဝ အမွေအနှစ်က ၁၈၈ ခု ပါဝင် ပါတယ်။
ဒီလို စာရင်းဝင်ဖြစ်လာဖို့ ပထမဆုံး လျှောက်ထားချင်တဲ့ နိုင်ငံက လျှောက်ထားချင်တဲ့ နေရာအတွက် မှတ်တမ်းပြုစု စာရင်းပေးရပါတယ်။ Tentative List လို့ခေါ်တဲ့ ယာယီစာရင်းမှာ ပါသွားရင် အဲဒီ စာရင်းကို အမည်စာရင်းတင်သွင်းတဲ့ Normination File ထဲပါသင့် မပါသင့် ရွေးပြီး ပါသွားရင် အကြံပေးအဖွဲ့တွေက အဆင့်ဆင့် စစ်ဆေးပေးရပါတယ်။ နောက်ဆုံးမှ နိုင်ငံတကာကော်မတီက ဆုံးဖြတ်ချက်ချပြီး ကမ္ဘာ့အမွေအနှစ်နေရာအဖြစ် ရွေးချယ်တာပါ။
ဒီလိုအရွေးခံရဖို့ အတွက် မြန်မာနိုင်ငံကနေ တင်သွင်းထားတာ ၁၉၉၆ခုနှစ်မှာ Tentative List အဖြစ် ယာယီစာရင်းဝင်တဲ့ နေရာ ၈ နေရာ ရှိပါတယ်။
ဟိုရှေး အထက် မြန်မာမြို့ကြီးတွေဖြစ်တဲ့ အင်းဝ၊ အမရပူရ၊ စစ်ကိုင်း၊ မင်းကွန်းနဲ့ မန္တလေးမြို့ကြီးတွေ ပါဝင်သလို မွန်ဘုရင်တွေ တည်ထားတဲ့ ပခိုးနဲ့ ဟံသာဝတီတွေပါ ပါပါတယ်။ နောက် အင်းလေး ကန်ကြီးနဲ့ ကျောက်ခေတ်လက်ရာတွေရှိတဲ့ ပြဒါးလင်းဂူနဲ့ ၀န်းကျင်ကဂူတွေ၊ ပုဂံခေတ် လက်ရာတွေ ရှိတဲ့ ပုဂံ၊ ရခိုင်ပြည်နယ်၊ မြောက်ဦးက ရှေးလက်ရာတွေအပြင် ရွှေကျောင်းတော်ကြီး အပါအ၀င် ကုန်းဘောင်ခေတ်က ဘုန်းတော်ကြီးကျောင်းတွေ ပါဝင်ပါတယ်။
ဒါ့အပြင် ပျူခေတ်က လက်ရာတွေလည်းပါတယ်လို့ ပါမောက္ခ ဦးသာထွန်းမောင်က ပြောပါတယ်။
“ကျွန်တော် သိရသလောက်ကတော့ မြန်မာနိုင်ငံမှာ ပျူဆိုက် (site) တွေလို့ ကျွန်တော်ကြားပါတယ်။ ဒီ ဗိဿနိုးတို့ သရေခေတ္တရာတို့၊ ဟန်လင်းတို့ ကို world heritage အတွက် အဆိုပြုထားတယ်လို့ သိရပါတယ်”
မြန်မာနိုင်ငံ လို့ပြောလိုက်ရင် အများသိကြတာက ပုဂံပေါ့နော်။ ဆရာက သမိုင်းပညာရှင် တယောက် အနေနဲ့ ဒီ ပုဂံနဲ့ပျူကို တကယ်လို့ ရွေးကြစတမ်းဆိုရင် ဘယ်ဆိုက်ကို ပိုရွေးသင့်တယ်လို့ ဆရာ ထင်ပါသလဲ။
“ဒါက အတော်စိတ်ဝင်စားဖို့ ကောင်းပါတယ်။ တကယ်တော့ တန်ဖိုး (value) က နှစ်ခုစလုံး ရှိတာ ပါပဲ။ နှစ်ခုစလုံး ရှိတဲ့နေရာမှာ ပုဂံကတော့ ကျနော် ထင်တယ်။ လူအများကလည်း အတော်လေး စိတ်ဝင်စားပြီး ဖြစ်တယ်။ နောက် တန်ဖိုးထားပြီးသား ဖြစ်တယ်။ နောက်ပြီးတော့ ပုဂံကို အဓိက အားဖြင့် ကျနော်တို့က အာရုံစိုက်ပြီးတော့ ဂရုစိုက်ကြတာပေါ့လေ။ အဲဒီတော့ ပြုပြင်ထိမ်းသိမ်းမှုတွေ ကလည်း ပုဂံမှာ အတော်အသင့် ရှိ ပါတယ်။ ဒါပေမယ့် ပျူဆိုက်တွေကတော့ အဲဒါနဲ့ နည်းနည်းလေး အလှမ်းဝေးနေသေးတယ်လို့ ထင်ပါတယ်။
အထူးသဖြင့် ကျနော် သိရသလောက်ကတော့ အဲဒီ ဟန်လင်းတို့ ဘာတို့ကို ပျူသာ ပြောပါတယ်။ ဆိုလိုတာက ပျူဆိုတာက ပုဂံမတိုင်ခင်က ရှိခဲ့တာလေ။ ပျူမက ပျူ့ထက်စောတဲ့ တခြား ရှေးဦး ယဉ်ကျေးမှုတွေ ထွန်းကားခဲ့တဲ့ နေရာဖြစ်တယ်ဆိုတာကိုလည်း အခု နောက်ပိုင်း တူးဖော်မှုတွေ အရ သိရပါတယ်။ အဲဒီတော့ တန်ဖိုးအားဖြင့်ပြောရင်တော့ ပုဂံဆိုရင်တော့ ပညာဘက်ဆိုင်ရာ နယ်ပယ်ထဲ မှာပြောရင်တော့ historic site ပေါ့ဗျာ။ ပျူကတော့ proto historical site ပေါ့။ အဲတော့ဟန်လင်း မှာ proto -history အပြင် pre-history ပေါ့။ ကျောက်ခေတ်နဲ့ ပတ်သက်တာလည်း ရှိတယ်။ ပျူနဲ့ ပတ်သက်တာလည်း ရှိတယ်။ နောက်အဲဒီ ကျောက်ခေတ်နဲ့ ပျူခေတ်ကြားမှာရှိတဲ့ ကြေးခေတ်နဲ့ဆိုင်တဲ့ အထောက်အထားတွေလည်း ရှိတယ်။ ဟန်လင်းသည် တနည်းအားဖြင့်ပြောရရင် cultural succession ဆိုတာပေါ့။ continuity ယဉ်ကျေးမှုအားဖြင့် အဆင့်ဆင့် ဆက်နေတဲ့နေရာ တနေရာဖြစ်တဲ့အတွက်ကြောင့် ပိုပြီးတော့ တန်ဖိုးကြီးမားပါတယ်။
ဒါပေမယ့် ဒီနေရာမှာ ကျနော်တို့က ပုဂံလိုမျိုး အနုပညာ ဗိသုကာ လက်ရာ ဘာညာတော့ မရှိဘူးပေါ့လေ။ ဒါပေမယ့် ယဉ်ကျေးမှုအဆင့်အားဖြင့် ပြောရင်တော့ အဲဒီ နှစ်ဆင့်၊ သုံးဆင့်လောက်ကို ဟန်လင်းမှာ တွေ့ရမယ်ခင်ဗျ”
ဟုတ်ကဲ့ပါဆရာ။ ပျူလက်ရာတွေကို မြန်မာနိုင်ငံရဲ့ ဘယ်နေရာတွေမှာ အဓိက တွေ့ပါလဲ။ ဘယ်နှစ်နေရာလောက်မှာ တွေ့ပါသလဲ။
“အဓိကအားဖြင့်တွေ့ရတာကတော့ ဗိဿနိုးရယ်၊ တောင်တွင်းကြီးနားကပေါ့ခင်ဗျ။ နောက် သရေခေတ္တရာက ပြည်နားမှာပါ။ ဟန်လင်းကတော့ ရွှေဘိုနားမှာ ရှိပါတယ်။ ရွှေဘို့အရှေ့ဘက် မိုင် ၂၀ လောက် အကွာမှာ ရှိပါတယ်။ နောက်တနေရာက မိုင်းမောဆိုတဲ့ နေရာပါ။ ပင်လယ်မြို့ လို့ လည်း ခေါ်ပါတယ်။ သူက ကူမဲမြို့နားမှာရှိပါတယ်။ နောက်ပြီး ၀ထီး-ဆိုတာ တခုရှိပါတယ်။ ၀ထီးကတော့ နထိုးကြီးမြို့နယ် နားမှာပါ။ ဒါပေမယ့် ၀ထီးနဲ့မိုင်းမောမှာ အထောက်အထား (evidence) ကတော့ ဟန်လင်းတို့၊ ဗိဿနိုးတို့၊ သရေခေတ္တရာ တို့လောက် မများပါဘူး။
ဒီအထဲမှာ အထင်ရှားဆုံးကို ပြောရရင်တော့ ဗိဿနိုးရယ်၊ သရေခေတ္တရာရယ်၊ ဟန်လင်း ရယ် ဖြစ်ပါတယ်”
အခုလို မြန်မာနိုင်ငံက ရှေးဟောင်း အမွေအနှစ်တွေကို ကမ္ဘာ့အဆင့် သတ်မှတ်ထိမ်းသိမ်းလာမယ် ဆိုရင် ဘယ်လို အကျိုးကျေးဇူးတွေ ကိုခံစားရမှာပါလဲ။
“အကျိုးရှိမှာကတော့ အချက် သုံးချက်လောက်တွေ့ရပါတယ်။ တခုကတော့ ဒီ နည်းပညာဆိုင်ရာ အထောက်အပံ့တွေ ရလာမှာပါ။ ရှေးဟောင်း ပစ္စည်းတွေကို ဘယ်လိုထိန်းသိမ်းမလဲ။ စည်းနဲ့ကမ်းနဲ့ စံနစ်တကျ ဘယ်လိုထိမ်းသိမ်းမလဲ။ နည်းပညာပိုင်းဆိုင်ရာ အထောက်အပံ့ ရလာမယ်။ နံပါတ်နှစ် က ငွေကြေးပိုင်းဆိုင်ရာ အထောက်အပံ့ရလာမယ်။ နံပါတ်သုံးက ဘာအကျိုးရှိလာမလဲဆိုတော့- ဒီ world heritage ထဲ ၀င်သွားခြင်း အားဖြင့် tourism မှာ ပိုပြီးတော့ ဆွဲဆောင်မှု ရှိလာနိုင်ပါတယ်။ အဲဒီ အကျိုးဆက်သုံးခုအနေနဲ့ မြန်မာနိုင်ငံမှာ ရလာမှာ ဖြစ်ပါတယ်။
ပြီးတော့ သူတို့ပေးမယ့် နည်းပညာဆိုင်ရာ အကူအညီထဲမှာ ရှေးဟောင်းပစ္စည်းတွေ တာရှည်အောင် ဘယ်လို ထိမ်းသိမ်းမလဲဆိုတာ တဘက်ကပါသလို နောက်တခုကလည်း အန္တရာယ် ကြုံတွေ့နေရချိန် မျိုးမှာ emergency ပေါ့လေ။ အရေးပေါ် အထောက်အပံ့တွေ အများကြီး ရလာနိုင်ပါတယ်။ ဒါကြောင့် မို့ တကယ်လို့များ ကျနော်တို့ဆီက cultural site တွေက world heritage အဖြစ်နဲ့ သတ်မှတ်တာ ခံရမယ် ဆိုရင် မြန်မာနိုင်ငံအတွက် အများကြီး အကျိုးရှိလာနိုင်ပါတယ်လို့ ပြောချင်ပါတယ်။”
ရှေးဟောင်းသုတေသန ပါမောက္ခ ဒေါက်တာဦးသာထွန်းမောင်ပါ။ ရှေ့တပတ်မှာတော့ နည်းပညာ ဆိုင်ရာမှာ ဘယ်လို အထောက်အပံ့တွေ ရလာနိုင်မယ် ဆိုတာကို ဆက်ပြီးပြောပြပေးမှာပါ။
မူရင်းVOA
မြန်မာပြည်က ကမ္ဘာ့ရှေးဟောင်း အမွေအနှစ် (အပိုင်း ၂)
ဒီတပတ်တော့ ကမ္ဘာ့ရှေးဟောင်း အမွေအနှစ်အဖြစ် သတ်မှတ်ဖို့ ကုလသမဂ္ဂကို တင်သွင်းထားတဲ့ မြန်မာနိုင်ငံက နေရာတွေထဲမှာ ပျူလက်ရာတွေရဲ့ထူးခြားမှုနဲ့ ဒီဒေသတွေကို ကမ္ဘာ့အမွေအနှစ်အဖြစ် ထားသင့်တယ်လို့ ဆုံးဖြတ်ခဲ့ရင် နည်းပညာပိုင်းဆိုင်ရာ အကျိုးအမြတ် ဘာတွေရလာနိုင်တယ်ဆိုတာတွေကို ပြောပြပါရစေ။
ရှေးဟောင်းလူမျိုးတမျိုးဖြစ်တဲ့ ပျူလူမျိုးတွေဟာ မြန်မာနိုင်ငံအထက်ပိုင်းနဲ့ အလယ်ပိုင်းဒေသ တကျောမှာ နှစ်ပေါင်း ထောင်နဲ့ချီပြီး အခြေချ နေထိုင်ခဲ့ကြတာပါ။ ချင်းတွင်းနဲ့ ဧရာဝတီ မြစ်ကြောင်းတွေ မှာ အထူးသဖြင့် မြောက်ဘက်တကောင်းကနေ တောင်ဘက် ပြည် မြို့ဝန်းကျင်အထိ မြို့ပြတည်ပြီး အခြေချခဲ့ကြတဲ့ ပျူလူမျိုးတွေရဲ့ ဘာသာစကားကို ပုဂံမင်း ဆက်တွေ အုပ်ချုပ်ခဲ့တဲ့အချိန်အထိ သုံးနေဆဲဖြစ်တာကို ဘာသာလေးမျိုးနဲ့ မှတ်တမ်းတင်ထား တဲ့ မြစေတီ ကျောက်စာမှာ တွေ့နိုင်ပါတယ်။ ပျူလူမျိုးတွေဟာ အရှေ့တောင် အာရှ ဒေသတလွှား ပျံ့နှံ့နေထိုင်ခဲ့တယ်လို့ ဆိုပေမဲ့ မြန်မာနိုင်ငံထဲကပျူတွေနဲ့ ဆင်ဆင်တူတာမျိုးတော့ မတွေ့ရဘူးလို့ မန္တလေး၊ ရတနာပုံတက္ကသိုလ်က ရှေးဟောင်း သုတေသန ပါမောက္ခ ဒေါက်တာ ဦးသာထွန်းမောင် ကပြောပါတယ်။
“ပျူဒင်္ဂါးတွေပေါ့လေ။ ပျံ့နှံ့မှုက ဖူနန်တို့ဘက်ကိုလည်း ရောက်ပါတယ်။ နောက် အရှေ့ဘက်မှာဆိုရင် ယိုးဒယားက တချို့မြို့တွေ မှာလည်း ရှိပါတယ်။ အရှေ့တောင်အာရှမှာတော့ ပျူနဲ့ပတ်သက်တဲ့ ဆိုက်တွေ ရှိတယ်။ ဒါပေမယ့် သူတို့သည် ယဉ်ကျေးမှုအရ ခေတ်ပြိုင်တွေ ဖြစ်ကြတယ်။ contemporary site အနေနဲ့ ပြောရရင်တော့ ဖူနန်ပေါ့လေ။ အဓိကအားဖြင့် ဖူနန်က ကျနော် ထင်ပါတယ်။ ဗီယက်နမ် တောင်ပိုင်းမှာ ရှိပါမယ်။ ၇ ရာစု အေဒီ ကနေ ၉ ရာစုအေဒီ လောက်ကြားမှာ ထွန်းကားခဲ့တဲ့ ဆိုက်တွေ ဖြစ်ပါတယ်။ ဒါပေမယ့် သူတို့သည် လူမျိုးးအားဖြင့်ကွဲပြားတယ်။ ယဉ်ကျေးမှု အားဖြင့်လည်း ကွဲပြားတယ်ပေါ့ခင်ဗျာ။ ကျွန်တော်တို့ ဆီမှာရှိတဲ့ ပျူဆိုက်တွေမှာရှိတဲ့ ဟာနဲ့ တကယ့် ဆင်ဆင်တူတဲ့ ဟာမျိုး ဆိုတာကတော့ အဲဒီဘက်တွေမှာတော့ မတွေ့ရပါဘူး။ -ဆိုတော့ ကျွန်တော်တို့ ဆီက unique ပေါ့။ ဆင်တူတာမရှိပါဘူး။”
ဒီလို ထူးထူးခြားခြား ရှိလှတဲ့ ပျူလက်ရာ အပါအ၀င် ရှားပါးလှတဲ့ ရှေးဟောင်းလက်ရာတွေ အတွက် မြန်မာနိုင်ငံမှာ ထိမ်းသိမ်းမှုရှိဖို့ အရေးတကြီး လိုအပ်နေတာပါ။ တကယ်လို့ မြန်မာနိုင်ငံ ထဲက ရှေးလက်ရာတွေအတွက် ကုလသမဂ္ဂက ကမ္ဘာ့အမွေအနှစ်အဖြစ် ထိမ်းသိမ်းဖို့ စာရင်းသွင်း ခဲ့ရင်တော့ ဒီလိုအပ်ချက်တွေကို ဖြည့်နိုင်ဖို့အတွက် အထောက်အကူတွေ တော်တော် ရလာနိုင်မှာ ဖြစ်ပါတယ်။ ဒီ ဒေသတွေဟာ ရှေးဟောင်းလက်ရာ မြတ်နိုးကြတဲ့ နိုင်ငံခြား ခရီးသွားတွေ ကို မျက်စိကျစေမယ့်အပြင် ကုလသမဂ္ဂကထောက်ပံ့တဲ့ ငွေကြေးဆိုင်ရာ အထောက်အကူတွေသာမက နည်းပညာပိုင်း ဆိုင်ရာတွေအတွက်ပါ အတော် အကျိုးရှိလာနိုင်တယ် လို့ ပါမောက္ခ ဦးသာထွန်းမောင်က ပြောပါတယ်။
“နည်းပညာပိုင်းအရပြောမယ်ဆိုရင် ကျွန်တော်တို့မှာ အဓိကအားဖြင့် concept ပေါ့နော်။ ဒါကို စပြောချင်ပါတယ်။ အခု ကမ္ဘာက အသိမှတ်ပြုတယ်၊ ရှေးဟောင်းတန်ဖိုး ထားကြတယ်၊ ဒါပေမယ့် ကျွန်တော်တို့ဆီမှာ ဒီလို တန်ဖိုးထားဖို့ အဓိက-က awareness လို့ခေါ်တဲ့ အသိမရှိဘူး။ ကျွန်တော်တို့ ပြည်သူတွေပေါ့။ အတော်များများက ရှေးဟောင်းပစ္စည်းကို သူတို့ ဘယ်လို ထိန်းသိမ်းရမလဲ ဆိုတာသိပြီး နားလည်တာမျိုး awareness မရှိပါဘူး။ သူတို့ ဘုရားတွေကိုပဲ ကြည်ညိုတယ်။ သဒ္ဒါလွန်တယ်။ ရှေးဟောင်းပစ္စည်း ဆိုလည်း မြတ်နိုးပြီးတော့ ဒါကြီးကို အသစ် ဖြစ်အောင် လုပ်မယ်ဆိုပြီးတော့ စိတ်ပဲရှိတယ်။ ဆိုလိုတာက အဟောင်းကို အဟောင်းအတိုင်း ထားခြင်းသည် ပိုပြီးတော့ ဒီဟာကိုချစ်မြတ်နိုးရာရောက်တယ်ဆိုတာကို လူတိုင်းသိဖို့ လိုပါမယ်။ ဒီအဟောင်းကို အသစ်လို ရွှေတပြောင်ပြောင်နဲ့ လုပ်လိုက်လို့ ရှိရင် ဒါသည် ရှေးဟောင်းပစ္စည်းကို တန်ဖိုးထားရာ မရောက်ပါဘူး။ ဒါ နံပါတ် (၁) awareness ပေါ့လေ”
ရှေးဟောင်းပစ္စည်းကို ထိမ်းသိမ်းစောင့်ရှောက်ရာမှာ ဘယ်လိုတန်ဖိုးထားရမယ်ဆိုတာကို နားလည်ဖို့၊ သိဖို့က ပထမ အချက်အနေနဲ့ အရေးကြီးပါတယ်။ ဒါ့အပြင် ထိန်းသိမ်းရေး လုပ်တဲ့နေရာ မှာ ရှေးမူမပျက် ရှိစေဖို့ ဘယ်လို နည်းပညာတွေ သုံးရမယ် ဆိုတာ သိလာနိုင်တယ်လို့ ဆိုပါတယ်။
“နောက် နံပါတ်နှစ်ကတော့ နည်းပညာပိုင်းဆိုင်ရာ ဆိုသည်မှာ reservation – conservation ရှိပါတယ်။ ဒါကို standard ရှိလာအောင် ကျွန်တော်တို့ ဘယ်လို လုပ်မလဲ။ ရှေးပစ္စည်းကို ရှေးမူ မပျက်ပေါ့လေ။ ဒါကို ထိန်းသိမ်းဖို့ conserve လုပ်ဖို့လိုတာပေါ့။ ဆိုတော့ တနည်းအားဖြင့် ဒါတွေကို တခါတလေကျရင် အထင်တမျိုးလွဲပြီးတော့ reconstruction လုပ်တာလို ပြန် အသစ်ဆောက်လိုက် လို့ ရှိရင် ဒါသည် ရှေးဟောင်း ပစ္စည်းရဲ့တန်ဖိုး ပိုပြီးတော့ လျော့သွားတယ်။ ဒါ အဘက်ဘက်က မကောင်းဖြစ်သွားတာပေါ့။ အဲတော့ reservation –conservation နဲ့ပတ်သက်လို့ standard ရှိပါတယ်”
ရှေးဟောင်း လက်ရာတွေအတွက် သီးသန့်ထားပြီး နဂိုရ် မူလလက်ရာမပျက်အောင် ထိန်းသိမ်းစောင့်ရှောက်ထားတာ reservation – conservation အတွက် စံနစ်တကျဖြစ်အောင် လုပ်ဆောင်ရတာတွေ ရှိပါတယ်။ ရှေးဟောင်းပစ္စည်း ဒါမှမဟုတ် နေရာတနေရာကို ထိန်း သိမ်းစောင့်ရှောက်ဖို့ လုပ်တဲ့နေရာမှာ မလုပ်ခင်ကရော၊ လုပ်ငန်းခွင်ဝင်နေတဲ့ အချိန်မှာရော၊ နောက်ပိုင်းမှာပါ စံနစ်ကျဖို့ လိုပါတယ်။
“လုပ်ငန်းမ၀င်ခင် အဲဒီ ပစ္စည်းတခုကို ရှေးဟောင်း မူအတိုင်း ကျွန်တော်တို့ ဓာတ်ပုံရိုက် ရတယ်။ နောက် ၀င်နေတဲ့ အချိန်မှာ ကျွန်တော်တို့ ဘယ်လို conservation ၀င်တယ်ပေါ့လေ။ reservation ၀င်တယ်ပေါ့။ ပြီးသွားတဲ့အခါမှာလည်း ဘယ်လို ပြီးသွားတယ်ပေါ့။ ဆိုတော့ အဲဒီ သုံးပုံကို ယှဉ်ကြည့်ခြင်းအားဖြင့် ရှေးဟောင်းလက်ရာတွေကို ကျွန်တော်တို့ ဒီအတိုင်း maintain လုပ်ထိမ်းထားပါတယ်ဆိုတာကို prove သက်သေပြတဲ့ သဘောပါခင်ဗျ။ ဆိုတော့ ဒီနည်းပညာ အဆင့်တွေကို ကျွန်တော်တို့ ပိုပြီးတော့ တရင်းတနှီး ရပါမယ်။ တခြား chemical aids ဓာတု အထောက်အကူတွေနဲ့ ဘာပစ္စည်းကို ဘယ်လို ထိန်းမယ်။ ဒါတွေက ကျယ်ပြန့်သွားပြီ။ ဒါဟာ သိပ္ပံပညာ science ဖြစ်သွားပြီ။ အဲဒါမျိုးတွေမှာ အများကြီး အထောက်အကူ ရလာနိုင်ပါတယ်”
ရှေးဟောင်း သုတေသနပါမောက္ခ ဒေါက်တာဦးသာထွန်းမောင်ပါ။ နောက်တပတ်မှာတော့ အတိတ်ကို လေ့လာနိုင်ဖို့ ရှေးဟောင်းတူးဖော်တဲ့နေရာမှာ ဘာတွေ သိထားဖို့လိုတယ်ဆိုတာနဲ့ တူးဖော်ပြီးနောက်ပိုင်း လေ့လာဆန်းစစ်မှု လုပ်ရတာတွေကို ပြောပြပေးအုံးမှာပါ။
မူရင်းVOA
မြန်မာပြည်က ကမ္ဘာ့ရှေးဟောင်း အမွေအနှစ် (အပိုင်း ၃)
မြန်မာနိုင်ငံက ရှေးဟောင်း ယဉ်ကျေးမှုလက်ရာတွေအတွက် ကမ္ဘာ့ ရှေးဟောင်းအမွေအနှစ်အဖြစ် သတ်မှတ်ပြီး ထိန်းသိမ်းတာမျိုး မရှိသေးပါဘူး။ ဒါပေမဲ့ မြန်မာနိုင်ငံမှာ ကမ္ဘာ့အမွေအနှစ်အဖြစ် ထိန်းသိမ်းဖို့ နေရာ (၈) နေရာကို ကုလသမဂ္ဂ ပညာရေး၊ သိပ္ပံနဲ့ယဉ်ကျေးမှု UNESCO ယူနက်စ်ကို အဖွဲ့ကို ၁၉၉၆ ခုနှစ်မှာ တင်သွင်းခဲ့ပြီး အခု ကမ္ဘာ့အမွေအနှစ် ထိန်းသိမ်းရေးကော်မတီရဲ့ ယာယီ စာရင်းမှာတော့ ၀င်နေပြီဖြစ်ပါတယ်။ အဲဒီနေရာတွေကတော့-
နံပါတ် (၁) အထက်မြန်မာနိုင်ငံ ရှေးဟောင်း မြို့ကြီးတွေဖြစ်တဲ့ အင်းဝ၊ အမရပူရ၊ စစ်ကိုင်း၊ မင်းကွန်းနဲ့ မန္တလေး။
နံပါတ် (၂) ပြဒါးလင်းဂူနဲ့ ပတ်ဝန်းကျင်က ဂူတွေ။
နံပါတ် (၃) က ပုဂံဒေသနဲ့ ရှေးဟောင်းလက်ရာတွေ။
နံပါတ် (၄) က အင်းလေးကန်။
နံပါတ် (၅) က မွန်မြို့ကြီးတွေဖြစ်တဲ့ ပဲခူး၊ ဟံသာဝတီ။
နံပါတ် (၆) က ရခိုင်ပြည်နယ် မြောက်ဦးဒေသနဲ့ ရှေးဟောင်းလက်ရာတွေ။
နံပါတ် (၇) က ပျူမြို့ကြီးတွေ ရှိရာ ပိဿနိုး၊ ဟန်လင်း၊ သရေခေတ္တရာ။ နောက်
နံပါတ် (၈)က စကု၊ ပခန်းကြီး၊ ပခန်းငယ်၊ လယ်ကိုင်းနဲ့ မန္တလေးက ရွှေကျောင်းတော်ကြီးလို ကုန်းဘောင်ခေတ် သစ်သားကျောင်းတော်ကြီးတွေ ပါဝင်ပါတယ်။
ဒီနေရာအပြင် တခြား ရှေးဟောင်း ယဉ်ကျေးမှုလက်ရာတွေရှိတဲ့ နေရာတွေမှာ ရှေးဟောင်း သုတေ သန တူးဖော်မှုနဲ့ ဆန်းစစ်လေ့လာမှုတွေလုပ်ခဲ့ရင် ရှေးခေတ်မြန်မာနိုင်ငံသားတွေရဲ့ အသုံးအဆောင်၊ ယဉ်ကျေးမှု ဓလေ့ စရိုက်တွေအပြင် ရှေးခေတ် အပင်သတ္တ၀ါတွေနဲ့ ရှေးက သဘာ၀၀န်းကျင်ကိုပါ တစေ့တစောင်း သိလာနိုင်မှာဖြစ်ပါတယ်။
ရှေးဟောင်းနေရာတခုရဲ့အတိတ်ကို လေ့လာဖော်ထုတ်နိုင်ဖို့ တူးဖော်ရေးလုပ်တဲ့နေရာမှာ ရှေးမူ မပျက် ထိန်းသိမ်းရေးလုပ်နိုင်ဖို့က အရေးကြီးပါတယ်။ အဲဒီလိုထိန်းသိမ်းနိုင်ဖို့ သတိထားသင့်တဲ့ အချက်တွေထဲမှာ ပထမဆုံး ဆိုက် (Site) လို့ခေါ်တဲ့ ရှေးဟောင်းနေရာနဲ့ ပတ်သက်ပြီး ဘယ်လို တူးဖေါ်သင့်တယ်ဆိုတာကို သေသေချာချာ လေ့လာစဉ်းစားဖို့လိုတယ်လို့ မန္တလေးရတနာပုံ တက္ကသိုလ်က ရှေးဟောင်း သုတေသနဌာန ပါမောက္ခ ဒေါက်တာဦးသာထွန်းမောင်က ပြောပါတယ်။
“ကျနော်တို့က ရှေးဟောင်း site ဆိုက်နေရာ တခုကို အကုန်လုံးကို တူးမလား- ။ ဒါဟာ အားလုံးကို တူးတဲ့ total excavation ခေါ်တာပေါ့လေ။ ဒါမှ မဟုတ်ရင် တချို့တ၀က်တူးတဲ့ partial excavation လုပ်မလား။ ဘယ်နေရာကို total လုပ်ပြီးတော့ ဘယ်နေရာကို partial ထားခဲ့မလဲ၊ တချို့တ၀က်ထားခဲ့ မလဲပေါ့။ ဒီလို တူးဖော်တဲ့နေရာမှာလည်းပဲ အတော် သိမ်မွေ့ပါတယ်။ အကုန်လုံးကိုတူးဖို့ ဆိုတာ ကလည်း တဘက်မှာ တူးလိုက်လို့ ရှိရင် သူ့အတွက် excavation တူးတာကနေ သူ့ကို destruction ဖျက်ဆီးပစ်တာတွေ ဖြစ်တာရှိပါတယ်။ များများ တူးလေ များများ ပျက်စီးလေပဲ။
ဒီပစ္စည်း တခုသည် နောက်တခါ ဒါမျိုးရဖို့ဆိုတာ အစားထိုးလို့လည်း မရပါဘူး။ ရှေးဟောင်းပစ္စည်း ဆိုတာ အဲဒီလို တူးလို့ ရှိရင်တောင်မှ ဒီဟာကို ဘယ်လို တူးခဲ့တယ်။ ဘယ်လို record (မှတ်တမ်း) လုပ်မလဲ။ ဒါ recording မှတ်တမ်းတင်တာ သိပ်အရေးကြီးပါတယ်။ recording (မှတ်တမ်း )မရှိဘဲနဲ့ တူးဖော်တဲ့ excavation လုပ်ခြင်းသည် (without having any recording, excavation) ဟာ လုံးဝဖျက်ဆီးပစ်သလို (total destruction) ပါပဲ”
-ပြောရမယ် ဆိုရင် အားလုံးကို တူးရင် အားလုံးကို ဖျက်တာနဲ့ အတူတူပါပဲ။ ရှေးဟောင်းပစ္စည်း တခုကို တူးတဲ့အခါမှာ ဒါသည် အစားထိုးလို့ မရတဲ့အရာဖြစ်တဲ့ အတွက်ကြောင့် တူးတဲ့လူဟာ စံနစ်တကျ record (မှတ်တမ်း) လုပ်ဖို့ လိုပါတယ်။ detail ပေါ့လေ။ အတိအကျ မှတ်တမ်းတင်ဖို့ လိုပါတယ်။
စံနစ်တကျဖြစ်အောင် မှတ်တမ်းတင်တဲ့နေရာမှာ ပုံစံအမျိုးမျိုး ရှိသလို တင်ထားတဲ့ ဒီမှတ်တမ်း မှတ်ရာတွေကို မပျောက်ပျက်အောင် ထိန်းသိမ်းဖို့အပြင် အရေးအကြီးဆုံးအချက်က လူထုသိအောင် ဖြန့်ဖြူးပေးဖို့-လို့ဆိုပါတယ်။
“မှတ်တမ်း ဆိုတဲ့နေရာမှာ (written record) စာရေးသားပြီးတော့ မှတ်တမ်းတင်တာ ရှိတယ်။ ဓာတ်ပုံရိုက်ပြီးတော့ မှတ်တမ်းတင်တာ ရှိတယ်။ ပန်းချီနဲ့ မှတ်တမ်းတင်တာ ရှိပါတယ်။ ဒါမျိုးတွေ စံနစ်တကျ တူးဖော်ရမယ်။ တူးဖော်ပြီးတော့ ဒါကို ပုံနှိပ်ထုတ်ဝေဖို့ လိုပါတယ်။
ကိုယ်တူးထားတဲ့ ဆိုက်တွေကို ပြည်သူတွေသိအောင်၊ ဒါမှ ဒီဟာသည် လူတွေကြားထဲမှာ အသိတွေ ရောက်သွားပြီးaတာ့ မတိမ်မကော မပျောက်ပျက်အောင် ဆက်လက် တည်ရှိနေမှာ ဖြစ် ပါတယ်။ တူးဖော်ပြီး ပုံနှိပ်ထုတ်ဝေမှု မရှိဘူး။ ပြည်သူတွေကို အသိမပေးဘူး ဆိုရင်လည်း ဒါသည် အလကား ပါပဲ။ ကျနော်တို့ တူးဖော်ရခြင်းရဲ့ ရည်ရွယ်ချက်ကတော့-ရရှိလာတဲ့ အသိပညာတွေ ကို ပြည်သူတွေကို မျှဝေခံစားစေဖို့ ဖြစ်ပါတယ်”
အခုလို တူးဖော်တဲ့ အပိုင်းမှာတင် အရေးပါတာမဟုတ်ပါဘူး။ တူးဖော်ပြီးချိန်မှာ post excavation analysis လို့ ခေါ်တဲ့ တူးဖော်လိုက်တဲ့ ပစ္စည်းတွေကို နောက်ပိုင်းမှာ ဆန်းစစ်လေ့လာတာကလည်း အရေးပါပါတယ်။
“နောက်တခုက ကျနော်တို့ ဘာအရေးကြီး မလဲဆိုတော့ ရှေးဟောင်းပစ္စည်းတွေ တူးဖော်တဲ့အခါ မှာ နှစ်ပိုင်းရှိတာပေါ့လေ။ တူးဖော်တာ တပိုင်းရှိတယ်။ နောက် တူးဖော်ပြီးတဲ့အခါမှာ ရရှိလာတဲ့ ပစ္စည်း တွေကို ခွဲခြမ်းစိတ်ဖြာ လေ့လာတာပေါ့ ခင်ဗျာ။ ကျနော်တို့ သိပ္ပံဆိုင်ရာတွေကို ပို့ပြီးတော့ သိပ္ပံပညာ ရှင်တွေ scientists တွေဆီက ဓာတုဗေဒနဲ့ ပတ်သက်တာတွေ အကူညီယူရတာ ရှိတယ်။ နောက် geology (ဘူမိဗေဒ) နဲ့ ပတ်သက်ပြီး အကူညီယူရတာရှိတယ်။ ရူပဗေဒ (physics )နဲ့ ပတ်သက်လို့ အကူညီယူရတာရှိတယ်။ ဒါက ကျနော်တို့ တူးဖော်မှုနောက်ပိုင်းမှာ လုပ်ရတဲ့ သုတေသန process လုပ်ငန်းအဆင့်ဆင့်ပေါ့ခင်ဗျ။ ဒါကို ကျနော်တို့က post excavation analysis လို့ ခေါ်ပါတယ်။ တူးဖော်ပြီး လေ့လာမှုပေါ့လေ။ ဒီအပိုင်းက ကျွန်တော်တို့ ဆီမှာ အားနည်းပါတယ်။ အခုကျနော်ထင်တယ်၊ ယူနက်စကို UNESCO က ထိန်းသိမ်းရေး ၀င်လာလို့ ရှိရင် post excavation analysis မှာ အများကြီး အားသာလာမယ်လို့ ထင်ပါတယ်”
ကုလသမဂ္ဂရဲ့ပံ့ပိုးမှုနဲ့ ထိန်းသိမ်းမှုတွေကနေ မြန်မာနိုင်ငံထဲက ရှေးဟောင်းယဉ်ကျေးမှု အမွေ အနှစ်တွေ ပျောက်ပျက်ကုန်မယ့် အန္တရာယ်ကို တားဆီးရာမှာ အမျာကြီး အထောက်အကူ ရလာမှာ ပါ။ ဒါပေမဲ့ ကိုယ့်မြေပေါ်က ရတနာတွေကို ကိုယ်တိုင်လည်း ချစ်တတ်မှ ထိန်းသိမ်းရာမှာ ထိရောက် မယ်လို့ ဆိုပါတယ်။
“ကျနော်တို့အားလုံး ရှေးဟောင်းပစ္စည်းကို ချစ်တတ်ဖို့ လိုတာပေါ့။ ဘယ်လိုချစ်တတ်ရမလဲ ဆို ရင် ရှေးဟောင်းပစ္စည်း ဆိုတာ အဟောင်းကို အဟောင်းအတိုင်းထားတာ အကောင်းဆုံး ပါပဲလို့။ ဆက်လက်ပြီးတော့ မပျက်စီးအောင် ထိန်းသိမ်းဖို့က လိုပါတယ်။ ရှေးဟောင်း အဆောက်အဦးတွေ ကို အသစ်ပြန်ဆောက်ခြင်းသည် ချစ်ရာ မမည်ပါဘူးလို့။ ဒါကိုပြည်သူတွေ အားလုံးကို ကျွန်တော်က သိစေချင်ပါတယ် ခင်ဗျာ”
ရှေးဟောင်းသုတေသန ပညာရှင် ဒေါက်တာဦးသာထွန်းမောင်ပါ။
ရှေးဟောင်း ယဉ်ကျေးမှုတွေကို ဖော်ထုတ်ပေးနိုင်မယ့်နေရာ site (ဆိုက်) တွေကို မြင်သာ ထင် သာ တွေ့နေရတာမျိုးရှိသလို တခါတလေမှာတော့ မမျှော်လင့်ဘဲ ကံကောင်းထောက်မစွာ နဲ့ တွေ့ရ တတ် တာမျိုးလည်း ရှိပါတယ်။
တခါတလေမှာတော့ ရှေးလူကြီးတွေရဲ့ ပြောကြားချက်တွေကနေ တွေ့လာ တာမျိုးပါ။ အခုခေတ် မှာတော့ ကောင်းကင် ဓာတ်ပုံတွေကနေဖြစ်စေ၊ ဘူမိ-ရူပ နည်းတွေ သုံးပြီးဖြစ်စေ ရှေးဟောင်း ဆိုက်တွေကို ရှာဖွေလာနိုင်ပြီဖြစ်ပါတယ်။ ဘယ်လိုပုံစံနဲ့ ရှာဖွေတွေ့ သည်ဖြစ်စေ အရေးကြီးတာက တူးဖော်တဲ့အပိုင်းနဲ့ တူးဖော်ပြီး လေ့လာဆန်းစစ်တဲ့ အပိုင်းတွေအပြင် ဒေသခံတွေအနေနဲ့ ကိုယ့်ရှေးဟောင်းအမွေကို ကိုယ်ချစ်တတ်ဖို့ လိုပါတယ်ဆိုတာကို တင်ပြရင်း ဒီသီတင်းပတ်အတွက် သိပ္ပံနဲ့နည်းပညာ ကဏ္ဍကို ဒီမှာပဲ ရပ်နားလိုက်ပါရစေ။
မူရင်းVOA
