၁၉၉၉-၂၀၀၀ ၀န်းကျင်က ကွန်ပြူတာ အင်တာနက်မှာ chatroom လို့ခေါ်တဲ့ လူမမြင်ပဲ အချင်း ချင်း ဆက်သွယ် ပြောကြား မှုတွေ လုပ်ခဲ့ရာ ကနေ ကိုယ်ခင်ရာ မင်ရာ site တွေ ဖွင့်ပြီး ကျယ်ကျယ်ပြန့်ပြန့် ဆက် သွယ်လို့ရ တဲ့ လူမှုရေး ကွန် ယက် တွေ တစတစ ပေါ်ပေါက် လာပါ တယ်။
၂၀၀၂ခုနှစ် လောက်မှာ friendstar စတင် ပေါ်ပေါက်လာပြီး၊ နောက်နှစ်မှာတော့ ဒါကိုထပ်ပြီး အဆင့်မြှင့်ထားတဲ့ myspace ကွန်ယက်ပေါ်လာသလို၊ ၂၀၀၄ခုနှစ်မှာတော့ အခုထိ လူအများ တွင်တွင်ကျယ်ကျယ် သုံးနေကြတဲ့ facebook ပေါ်ပေါက်လာတာပါ။ Twitter ကိုတော့ ၂၀၀၆ခုနှစ်မှာ စသုံးလာကြတယ်လို့ စင်္ကာပူနိုင်ငံ ကွန်ပြူတာစံနစ် NCS ရဲ့ အကြီးတန်းအကြံပေး ဦးဥက္ကာကြူဖေကပြောပါတယ်။
လူမှုရေးကွန်ယက်မှာ ဓါတ်ပုံတွေ စာတွေ ဖလှယ်ကြရုံတင်မကပဲ games ကစားတာတွေပါ တွေ့လာရပြီး သတင်း အချက်အလက်တွေကိုပါ မြန်မြန်ဆန်ဆန် ပျံ့ နှံ့စေခဲ့ပါတယ်။
ဒီလူမှုရေးကွန်ယက်တွေထဲမှာ facebook ဟာ အသုံးအများဆုံးဖြစ်ပြီး သူနဲ့အတူတွဲသုံးတတ် တာကတော့ twitter လို့ခေါ်တဲ့ facebook အပေါ့စားလေးပါ။ twitter ဟာ facebook လို ၀က်ဘ်ဆိုက် စာမျက်နှာထဲ ၀င်စရာမလိုပဲ လွယ်လွယ်ကူကူ သုံးလို့ရပေမယ့် facebook လို ကိုယ်သိစေချင်တဲ့သူသာ မသိစေပဲ လူတိုင်း ၀င်ကြည့်လို့ ရပါတယ်။
နံမယ်ကျော်ပုဂ္ဂိုလ်တွေရဲ့ လုပ်ကိုင်ဆောင်ရွက်မှုကို အချိန်နဲ့ အမျှ အများသိအောင် သတင်းဖြန့်တဲ့နေရာမှာ twitter က လူထုထဲကို တိုက်ရိုက် ရောက်သွားစေပါတယ်။
Twitter ကို email နဲ့ ပေးပို့လို့ ရသလို လက်ကိုင်ဖုံးတွေက SMS ၀န်ဆောင်မှုကတဆင့် ပေးပို့လို့ ရပါ တယ်။ Facebook ကို ကွန်ပြူတာနဲ့ လက်ကိုင်ဖုံးတွေမှာ သုံးမယ်ဆိုရင် facebook application လို့ခေါ်တဲ့ စာရင်းဝင်ထားရပါတယ်။ Twitter မှာ စာလုံးရေ ၁၄၀ ပဲရေးလို့ ရပေမယ့် facebook မှာတော့ ကိုယ်တင်ချင်တဲ့ အကြောင်းအရာကို စာနဲ့ဖြစ်စေ ဓါတ်ပုံဖြစ်စေ တင်လို့ ရပါတယ်။
လောလောဆယ် မြန်မာနိုင်ငံမှာ လူငယ် အများစုဟာ ဓါတ်ပုံဖလှယ်တာနဲ့ သတင်းဖလှယ်တာတွေအတွက် facebook ကို သုံးနေကြတာတွေ့ရပါတယ်။
ခင်မျိုးသက်(voa)
